مواويل – 59
محطات وجدانية رباعية محكية
تأليف : الداعي بالخير صالح صلاح شبانة
Shabanah2007@yahoo.com
لمّا يمشوا مع بعض شب وبنت ، وتصير تسأل نفسك يا ترى مين الشب ومين البنت ؟
الله يكثر خيرهم اللي عملوا جنس ثالث ، ما نزل في كتاب ولا عنه سمِعّت
*******************
يا بو لِبخوت بختك مبخوت عَ ورق التوت ، شفتك بعيني وما حدا قاللي مثل الكرشه محتوت
ترن مثل صحن الصيني وأنظف منه ، طفران وصِرت عِرّه والكل فيك يشوف
*******************
زرعنا في تاريخ الأمم عقيده ، إحنا أمه مهما تكالبت علينا الأمم مجيده
من صخر الأرض بنطول حجر وبنضرب غاصبنا ، سلاحنا عِنّا ما في مقدره للأمم تبيده
*******************
بنعلنها بصراحه ما لحدا علينا مِنّه ، إحنا اللي من دم الشهاده بنتحَنّى
واحنا اللي في حلق الغاصب شوك ، حَرّمنا عليه يرتاح ويحلم ويتمنى
*******************
الجحش الفهمان ما بزّحَط كل ما شاف آتان ، بس الشب الغندور بزحِط بالسياره للنسوان
الفرق انه الأنسان مكلف ولِحمار معفى ، ومع هذا لِحمار أفهم من بعض بني الإنسان
*******************
لمّا ينبح الكلب بنقول له إخص بشرَق بالنبحه ،ولمّا ينبح صايع ونقول له إخص بتصير ذبّحَه
رغم انّه الكلب لو نبح ولاَّ جاح معذور ، بس الإنسان ليش يقلد الكلب بالنبحه ؟؟!!
*******************
كل سنه وانتَ بخير يا طن يا غالي ، كل سنه وانتَ في القلب وعَ الراس عالي
واللي يمِسَّك يا وطن تنقطع إيده من الذراع ، وتتناهشه بواهش الأرض والطير من المعالي
*******************
زيحوا الستاير وخلّوا الشمس تفوت ، وخلوا دهور الظلم توّلي والغاصب يموت
زيحوا فكرة الهزيمه وهبة بطل هبّوا ، وكل ما هَدّوا بيت خلينا نبني بيوت
*******************
بغداد في السحاب واللي في السحاب عالي ، مهما تنبحه الكلاب بظل متعالي
بغداد لو سقطت بأيد المحتل ما ماتت ، بتموت جحافل المحتل فيها وما بظل الهم تالي
*******************
أنا متحيّز وأعلن حبي لمليكة المدن بغداد ، بلد الرشيد وصدّام اللي تسَطرّت بالأمجاد
بغداد لو حَلّت شعرها وسلّمَتّ للغاصب شرفها ، كان لا انهدم فيها حجر ولا انعلن فيها جهاد
*******************
أنا إسمي جحا واسمي مسجل بالسوق تاجر ، أشتري خمس بيضات بشلن وارتحل واسافر
في كل محطات الوطن أبيع يا مين يشتري ، ست بيضات بشلن خساره بس يقولوا تاجر
************************
تقرأ بلهجة أهل سنجل
