90– لولا الشهاده
ياطول بعدك ما نستنى،لولاك إلنا،على ثرى ها لأرض،درب العزه والفخر بدمك خطيت
ولولاك صنعت النا المجد ، وعَ أطياف الحلم ، صنعت النا سِلّم وقلت الحقوني ، وقدامنا .... ارتقيت
بس منين انطولك وانت شامخ لفوق ؟راسك معانق نجوم السما،وبدمك الغالي ضويت
شموع الدرب ، وعَ دقات القلب ، اتهادت خطواتك ، لما عَ درب العزه بهمة بطل مشيت
يا شهيد الأرض ، وعز الأرض للأنسان ، والأرض من غير دمك ما يتربي جيل ولا بتعمر...... بيت
ولا بتقلع شوك،ولا بتزرع ورد،ولا بتولد حبلى،ولابتهز مهد،ولا بتظوي قناديل الزيت
ولا الحلم بتحقق ، ويظله أمنيه ، وعَ اللسان يا ريت