122- بطاقة تعريف
أنا وانت ، إحنا وانتوا يا ناس ، يا شعب نبت من ها لأرض فخر ، وفيها ينزرع عزه بعد عمر طويل
الأرض اسمها بالدفتر عالي مكتوب بدم اولادها ، اتظل تيجان عَ روسنا و عَ هاماتنا أكاليل
بالغار منسوجه و بكل لِورود اللي بتطلع عَ أرضنا مزينه صدرها ، فجر حريه طالع من الليل
احنا اسمنا مكتوب بدفتر المجد الغالي ، تاريخ مثبت عَ التراب ، مجبول بدم الأحرار اللي سايل سيل عَ مَرْ تاريخ ها لأرض، وعَ عصورها،عَ بحورها وعَ نهورها، وعَ سماها اللي طالع منه نجم اسهيل
عَ باسها وناسها،عَ كل من انحنى عَ ترابها وباسها،قبل ما خبط عَ ترابها وداسها،عَ حلمها الجميل عَ كل من اتغزّل بحسنها وجمالها،عَ كل من شجاها نغم وغناها مواويل
