اللي زرع
لوحة عاطفية ووجدانية من وحي القرية وإنسانها
بقلم ووجدان : الداعي بالخير صالح صلاح شبانة
Shabanah2007@yahoo.com
اللي زرع الورد يا ستي ، في موسم الورد بجني ورد ، وبتفوح أرضه بعبق لِعطور
واللي دَحّا في راس الجبل ، ولاّ في أعالي الشجر نسر ، ومن دحوه بتفقس نسور
والراسي العالي اللي مثل راس سيدك ، لا بنحني ولا بطاطي ، بطل عَ طول المدى مثل الحور
والجبل الراسخ في الأرض يا ستي، مهما تمر عليه مصايب ومحن، لا بلف من محله ولا بدور
ولا تصدق إنه الأرنب تطعله مخالب وانياب ، ولو أوهمك ، عند حزها ولزها بنط مذعور
اللي زرع الحُب جنا حُب ، واللي زرع القتل والموت حصد حقد وثار امبَيَّت ، ووعد منصور
اللي زرع يا ستي حصد ما زرع ، ويا ويل اللي غرّته القوّه ، إن طلع الصبح من نقمة المبتور
تقرأ بلهجة أهل سنجل