204- عصفور الصبح
بقت العصافير تعشق النومه عَ الشجر اللي حوالين الدور تتغنى للناس وجه الصبح
لحن المحبه،قوموا اصحو وشدوا السواعد والهامات،واسرحوا ع الأرض رمز الفرح
لو بقى سائل يسأل:كيف بتغني للأرض يا عصفور ؟؟!! لقالك:بغني من جوا الجرح
بغني للشجر العابق أمل،وأغني للتاريخ لِمعطر،وبغني للمارس وسنابل القمح
بغني للحنّون،اللي من دم الشهيد نبت،بغني للطيون اللي بداوي الجروح وبغني للفتح
اللي عَ ها لأرض صار وصار ، وعَ إيدين قاده كبار، مثل النخل اللي عليه طلح
وبغني للأرض اللي بتظلها شامخه،اللي بتحط عَ الجرح النازف رشة ملح
