211- منديل جفرا
شديللي يا جفرا بشقفه من منديلك ، على جرحي بلكي عَ إيدك توقف نزفي اللي سال
كرمال الوطن يا جفرا ضحينا،ويا ما رح نضحي تترجع للوطن فرحه ، ويهنى براحة البال
الله يجازي اللي حط فرخ الحيّه في ها لوطن ، تتفقس حيايا ، تتقتل عَ أرضنا الآمال
بس ، وجدايل جفرا ، الوطن مصيون ، الوطن مزروع في قلوب وعيون وحس الرجال
اللي عمروا أرض فلسطين ، بالزرع اللي نبت فيها ، بالحلم المنقوش في عنيها ولا زال
شديلي يا جفرا جرحي بمنديلك، تيظل بدمي مغمس منديلك ، جرحي العاشق للموال
بين ربوع الأرض الخضرا ، للجفرا ، للأمل للحلم ، إللي في عيون الأطفال